Gara e titullit në Serie A, paralajmëron Capello: “Kujdes Juventusin!” Pastaj kritikon gjyqtarët dhe VAR-in
16 Dhjetor 2025
10:18
Alfred Lleshi
Fabio Capello ka dhënë intervistë për “Gazzetta dello Sport”. Përkundër vendosjes së Interit si favorit, ai përfshin edhe Juventusin në garën e titullit: “Në javën e fundit, bardhezinjtë ishin surpriza. Për herë të parë në 2 vitet e fundit pashë një ekip të vërtetë. Kujdes nga Juventusi…”
Për Interin vëren se kanë më shumë zëvendësues se çdo ekip tjetër, megjithatë nuk arrin ta dominojë fushën për 90 minuta: “Milani dhe Napoli nuk kanë zëvendësues të një niveli të tillë, por kur napolitanët rikuperojnë të gjithë të dëmtuarit, do të jenë pas ekipit të Chivu”. Ai thekson se Anguissa, De Bruyne dhe Lukaku janë shtyllat e Napolit dhe mungesa e tyre ndikon domosdoshmërisht.
Në fund, Capello komentoi Milanin, që vuan me ekipet e vogla, por bind me të mëdhatë. Barazimi 2-2 me Sassuolon ishte edhe për shkak të golit të Pulisic, të anuluar: “Kjo ndodh vetëm në Itali, me këta gjyqtarë dhe këtë VAR që kuptojnë pak nga futbolli. Nuk është balet, ku në çdo shtytje akordohet faull”.
