Amazon në bisedime për të investuar 10 miliardë dollarë në OpenAI

Amazon është në bisedime me OpenAI për të investuar 10 miliardë dollarë ndërsa do të furnizojë kompaninë me çipet e saj dhe shërbimet cloud sipas The Financial times.

Marrëveshja do të dërgonte vlerën e OpenAI në 500 miliardë dollarë por nga ana tjetër do të ngrinte hije dyshimi lidhur me marrëveshjet e nënshkruara prej saj për çipet dhe qendrat e të dhënave.

Dy kompanitë janë në bisedime edhe për mundësinë që OpenAI të ndihmojë Amazon me tregun e saj online ngjashë me marrëveshjet e bëra me Etsy, Shopify dhe Instacart.

Megjithatë cilado qofshin kushtet e marrëveshjes, nuk do ti lejonin Amazon të përdorë modelet më të avancuara të OpenAI ndërsa ky mbetet një ekskluzivitet i Microsoft deri në 2030-ën.

Së fundi OpenAI ristrukturoi marrëveshjen me Microsoft ku përfshihet përdorimi i kapacitetit të qendrave të të dhënave nga furnizues të tjerë. Marrëveshje të tilla ka bërë me Nvidia, Oracle, AMD dhe të tjerë për të blerë çipe dhe kapacitete të qendrave të të dhënave.

Marrëveshja e re do ta detyronte OpenAI-n të përdorë çipat e inteligjencës artificiale Trainium të Amazon-it dhe të marrë me qira më shumë kapacitet qendrash të dhënash nga Amazon Web Services (AWS).

Kjo vjen mbi 38 miliardë dollarët që OpenAI tashmë është angazhuar të shpenzojë për marrjen me qira të serverëve nga AWS gjatë shtatë viteve të ardhshme.

/PCWorld Albanian