Mesfushori portugez mbetet më i kërkuari nga klubet arabe për merkaton e janarit
19 Dhjetor 2025
8:39
Telesport
Bruno Fernandes vazhdon të jetë në krye të listës së disa prej klubeve të Ligës Saudite në futboll. Ato u interesuar që këtë verë, por pa sukses, pasi mesfushori portugez qëndroi te Manchester United.
Asokohe, kapiteni i “djajve të kuq” i injoroi ofertat dhe klubet. Megjithatë, “sulmi” i Arabisë Saudite nuk është ndalur, vetëm është shtyrë për disa muaj, pasi Bruno Fernandes mbetet në krye të listave të dëshirave të shumë klubeve.
Sipas Fabrizio Romano, është shumë e pamundur që portugezi të largohet nga Anglia në janar, por ka më shumë mundësi që ai të jetë i disponueshëm në verën e vitit 2026. Kontrata e tij skadon në verën e vitit 2027.
Në atë pikë, me vetëm një vit kontratë të mbetur, topi do të jetë në fushën e lojtarit, që do të duhet të bëjë një zgjedhje jetësore: të largohet nga United dhe Premier League ose të qëndrojë dhe të luftojë për vendin e tij.
