Trajneri Ruben Amoriom largon të padëshiruarit, 5 futbollistë do të ikin në janar nga United

19 Dhjetor 2025

9:58

Telesport

Pas 16 javësh kampionat, skuadra e Manchester United ende ndodhet në një pozicion relativisht modest: i gjashti në Premier League. “Djajtë e Kuq” janë plot 10 pikë pas Arsenal.

I vetëdijshëm se skuadra nuk po performon siç pritet, trajneri Rúben Amorim ka vendosur të fillojë një riorganizim që në mënyrë të pashmangshme do të përfshijë shitjen e disa lojtarëve që nuk duket se përshtaten me planet e tij të ardhshme.

Sipas “Caught Offside”, trajneri portugez tashmë i ka ftuar menaxhmentit të shqyrtojë ofertat për portierin turk Altay Bayindir (27), mbrojtësin e majtë holandez Tyrell Malacia (26), mesfushorin uruguaian Manuel Ugarte (24), mesfushorin sulmues anglez Mason Mount (26) dhe sulmuesin holandez Joshua Zirkzee (24).

Në të gjitha rastet, këta janë lojtarë që nuk u kërkuan posaçërisht nga Amorim dhe që duket se po kanë vështirësi të përshtaten me skemat dhe nevojat e tij taktike.

“Trajneri portugez e ka bërë të qartë se dëshiron të ndërtojë një skuadër të përshtatur sipas vizionit të tij taktik, në vend që të bëjë kompromis me parimet e tij për t’i bërë vend talentit të trashëguar”, shprehen mediat britanike.