“Dëmtimi i Fernandes është një goditje e rëndë për Manchester United, ai është lideri ynë”
24 Dhjetor 2025
10:56
Telesport
Diogo Dalot e quajti dëmtimin e Bruno Fernandes një goditje të rëndë për Manchester United në një moment delikat të sezonit. Kapiteni 31-vjeçar u dëmtua fundjavën e kaluar dhe pritet të mungojë për një kohë të gjatë.
Një mungesë që prish jo pak planet e trajnerit Ruben Amorim. 31-vjeçari ka qenë gjithmonë titullar në çdo ndeshje të Premier League për “djajtë e kuq” këtë sezon, duke shënuar pesë gola dhe duke dhënë shtatë asiste.
“Mungesa e tij është e madhe për ne. Nuk e dimë sa keq është, por mungesa e tij do të ndihet, pasi është lideri ynë”, tha mbrojtësi portugez Diego Dalot, i cili mori shiritin e kapitenit nga bashkatdhetari i tij.
“Sigurisht që ishim të gjithë të trishtuar që Bruno doli nga fusha. Shpresojmë që dëmtimi i tij të mos jetë shumë keq dhe pastaj ta kemi Brunon për ndeshjet e ardhshme”, përfundoi Dalot.
