Del lista me 10 klubet më të vlefshme në botë, asnjë nga Serie A (foto)

28 Dhjetor 2025

15:15

Telesport

“Transfermarkt” ka përditësuar listën me ekipet më të vlefshme të momentit në botë. Në 10-shen e parë bie në sy fakti që nuk ka asnjë ekip nga Serie A. Ekipi më i vlefshëm në Serie A është Inter, 670 milionë euro.

Manchester United renditet në vendin e 10-të, Tottenham në vendin e 9-të. Bundesliga përfaqësohet me Bayern Munich që renditet në vend të tetë dhe vlen 918 milionë euro. 7 ekipet e para kanë vlerën mbi 1 miliard euro. Liverpool renditet në vendin e shtatë, Barcelona në vendin e gjashtë.

Në listën me 5 ekipet më të vlefshme në botë janë Chelsea në vend të pestë me 1.18 miliard euro, PSG me 1.19 miliard euro. Në podium janë dy ekipet angleze, Man.City i treti me 1.19 miliard euro, Arsenal i dyti me 1.29 miliard euro dhe ekipi më i vlefshëm në botë është Real Madrid me 1.38 miliard euro.