Tre të arrestuar për zjarrin në një rrokaqiell në Hong Kong. Të paktën 44 të vdekur dhe qindra të zhdukur

Të paktën 44 persona kanë vdekur pasi një zjarr masiv përfshiu disa ndërtesa të larta apartamentesh në një kompleks banesash në Hong Kong, thanë zyrtarët, ndërsa qindra të tjerë rezultojnë ende të zhdukur. Zjarrfikësit po përpiqen të gjejnë disa banorë të bllokuar në katet e sipërme.

Tre burra janë arrestuar me dyshimin për vrasje të paqëllimshme pas zjarrit, tha një zëdhënës i policisë. Policia i akuzoi të tre për “neglizhencë të rëndë” në një konferencë për shtyp.

Policia gjeti emrin e kompanisë së ndërtimit në dërrasat e polistirenit të ndezshëm që zjarrfikësit i gjetën duke bllokuar disa dritare në kompleksin e apartamenteve. Zyrtarët shtuan se dyshojnë se materialet e tjera të ndërtimit të gjetura në apartamente – duke përfshirë rrjetat mbrojtëse, kanavacën dhe fletët plastike – nuk përmbushnin standardet e sigurisë.

Shkaku i saktë i përhapjes së shpejtë të zjarrit do të hetohet nga një grup pune i policisë së Hong Kongut, por zjarrfikësit kanë paralajmëruar tashmë për një veçori.

Shefi i zjarrfikësve Andy Yeung tha se gjatë shpëtimit, ekipi i tij gjeti disa dërrasa polistireni që bllokonin dritaret e disa apartamenteve.

“Këto dërrasa polistireni janë jashtëzakonisht të ndezshme dhe zjarri u përhap shumë shpejt”, tha ai.

Sipas autoriteteve, të paktën   279 persona rezultojnë të zhdukur pas zjarrit që përfshiu rrokaqiejt me mijëra apartamente në lagjen Tai Po të Hong Kongut.

Të plagosurit janë 29, nga të cilët shtatë janë në gjendje kritike.

© BalkanWeb

Për t’u bërë pjesë e grupit “Balkanweb” mjafton të klikoni: Join Group dhe kërkesa do t’ju aprovohet menjëherë. Grupi Balkanweb