“Shumica e dronëve u shkatërruan”/ Kievi, shënjestër e 300 dronëve dhe mbi 20 raketave ruse gjatë natës

Forcat ruse kanë ndërmarrë një sulm masiv ajror ndaj Ukrainës gjatë natës, duke lëshuar gati 300 dronë dhe dhjetëra raketa të llojeve të ndryshme, bëri të ditur ushtria e Kievit, duke cituar mediat lokale.

Sipas deklaratës zyrtare, sulmi ndodhi natën e 13 janarit dhe përfshiu 18 raketa balistike Iskander-M, raketa kundërajrore të telekomanduara S-300, si dhe shtatë raketa lundruese Iskander-K. Autoritetet ukrainase thanë se shumica e dronëve u neutralizuan nga sistemet e mbrojtjes ajrore.

Në total, forcat ruse përdorën 293 dronë të tipeve Shahed, Gerbera dhe modele të tjera, duke e cilësuar këtë një nga sulmet ajrore më të mëdha të javëve të fundit.

Ushtria ukrainase po vlerëson dëmet e shkaktuara në infrastrukturë dhe zonat e banuara, ndërsa priten përditësime të tjera lidhur me pasojat e sulmit. Autoritetet kanë theksuar se sistemet e mbrojtjes ajrore mbeten në gatishmëri të lartë përballë sulmeve të vazhdueshme.

© BalkanWeb