VIDEO/ Kthyen dy apartamente në ‘fole’ prostitucioni në Durrës, në pranga organizatorja nga Armenia, procedohen edhe 3 shqiptarë

Goditet një rast prostitucioni. Gjatë një operacioni në Durrës janë zbuluar dy apartamente me qira në zonën e Vollgës dhe në zonën e Plazhit që ishin kthyer në ‘fole’ prostitucioni,

Në pranga është vënë një shtetase nga Armenia, organizatore, si dhe është proceduar penalisht edhe një shtetase nga Peruja për prostitucion. Gjithashtu janë proceduar penalisht edhe 3 shqiptarë për prostitucion.

Gjatë ndërhyrjes së forcave policore, shtetaset e huaja kanë refuzuar të hapin dyert e apartamenteve, të cilat më pas u hapën me ndihmën e punonjësve të Shërbimit Zjarrfikës.

Në cilësinë e provës materiale u sekuestruan 2 pasaporta të shtetaseve të huaja, shuma parash, karta telefoni, bllok shënimesh etj.

Nga veprimet hetimore të kryera rezultoi se këto shtetase kishin marrë me qira dy apartamente, në zonën e Vollgës, lagjja nr. 1, dhe në zonën e Plazhit, lagjja nr. 13, Durrës, të cilat i kishin përshtatur për ushtrimin e prostitucionit.

Materialet procedurale iu referuan Prokurorisë pranë Gjykatës së Shkallës së Parë të Juridiksionit të Përgjithshëm Durrës, për veprime të mëtejshme.

© BalkanWeb