SHBA-të pezullojnë me kusht sanksionet ndaj naftës venezueliane

Qeveria amerikane njoftoi të enjten vonë se po hiqte sanksionet që kishte vendosur për të lehtësuar tregtinë e naftës venezueliane, më pak se një muaj pas operacionit ushtarak amerikan në Karakas që çoi në kapjen e Presidentit Nicolas Maduro.

Transaksionet nga kompania gjigante shtetërore Petróleos de Venezuela (PdVSA) dhe kompanitë në të cilat ajo zotëron të paktën 50% të kapitalit tani janë “të miratuara “, tha Departamenti i Thesarit i SHBA-së.

Megjithatë, vendimi vjen me kushte për të parandaluar që nafta e vendit të përfundojë në Rusi, Iran, Korenë e Veriut, Kubë dhe Kinë .