Edhe Lazio hyn në garë për Frattesi, Interi hap “dritën jeshile” për 25 milionë euro

30 Janar 2026

10:16

Alfred Lleshi

Merkatoja e janarit po shkon drejt fundit, por mund të sjellë ende ndonjë surprizë para mbylljes. Një nga emrat që mund të ndezë orët e fundit të negociatave është Davide Frattesi. Edhe në këtë merkato, mesfushori dukej i destinuar të largohej nga Milano. Shumë klube janë interesuar për kushtet e marrëveshjes. Nga Juventusi, me Luciano Spallettin si mbështetësin kryesor të ish-lojtarit të Sassuolos, deri te Fenerbahçe dhe Nottingham Forest. Sot, pretendentja e fundit që i është bashkuar garës për mesfushorin e kombëtares italiane është Lazio.

Pavarësisht interesimeve të shumta, për shkak të ofertave që nuk kanë bindur plotësisht drejtuesit zikaltër dhe për shkak të mungesave në mesfushë, pas dëmtimit të Çalhanoglu (me edhe dy ndeshje të Champions League për t’u luajtur me lista të bllokuara), Frattesi nuk ka marrë kurrë dritën jeshile për t’u larguar nga Interi. Tani situata mund të ketë ndryshuar. Çalhanoglu po i afrohet rikthimit dhe, në Dortmund, Chivu ka zbuluar se mund të llogarisë edhe Andy Diouf, deri tani një enigmë e vërtetë.

Për këtë arsye, dyert e merkatos mund të rihapen për Frattesi. Lazio kërkon një goditje që të rikthejë entuziazmin pas një janari plot largime (nga Guendouzi te Castellanos), dhe emri i lojtarit të lindur më 1999 mund t’i tërheqë tifozët bardhekaltër. Kërkesa e Interit për ish-lojtarin e Sassuolos është rreth 25 milionë euro.