VIDEO/ Iu vendos tritol te dera e banesës, nëna e Gentjan Zotos: Jetoj vetëm, nuk kam konflikte me njeri

ABC News ka siguruar pamje nga vendngjarja ku ndodhi shpërthimi, në derën e banesës së Bakie Zotos, nënë e Gentjan Zotos.

Bakie Zoto tregon se jeton e vetme në lagjen “Partizani” në Vlorë, ajo shton se nuk ka pasur konflikte me njeri dhe se është e habitur nga ngjarja.

“Vetëm jetoj. Ngjarja ka ndodhur rreth orës 00:00. Erdhi policia. Nuk kam dëme të tjera. Kam kaq vite këtu në lagje, nuk kam pasur konflikte me njeri. Nuk di gjë, jam habitur edhe vetë”, tha ajo.

Siç shihet edhe nga pamjet janë shkaktuar vetëm dëme materiale në derën kryesore të banesës.

Kujtojmë se i biri, Gentjan Zoto është dënuar me 35 vite burg nga Gjykata e Apelit, si pjesë e grupit që kryen atentatin kundër Inez Hajrullës me 10 maj 2019 në Vlorë.