Aksi Tiranë-Korçë i bllokuar prej orësh, Alolli: Ky është ‘bilanci’ i menaxhimit të dështuar të Belinda Ballukut
Shembja e gurëve dhe dherave tek Kthesa e Dragostunjës ka bllokuar plotësisht qarkullimin në aksin Librazhd-Qafë Thanë, rruga kryesore nacionale që lidh juglindjen me Korçën dhe më tej me Maqedoninë e Veriut.
Qindra qytetarë dhe drejtues mjetesh mbeten të bllokuar.
Në lidhje me këtë situatë ka reaguar deputetja e PD, Ledina Alolli, e cila e konsideron bllokimin si pasojë të menaxhimit të dështuar të qeverisë dhe të zv/kryeministres Belinda Balluku.
Reagimi i deputetes së PD, Ledina Alolli:
Aksi kombëtar Librazhd–Prrenjas i bllokuar.
Një arterie jetike e Juglindjes e paralizuar nga papërgjegjshmëria dhe korrupsioni. Qytetarë të izoluar, jetë në rrezik.
Ky është bilanci i “rrugëve” të Edi Ramës dhe menaxhimit të dështuar të Belinda Ballukut.
Miliona euro beton, zero siguri, zero përgjegjësi.
© BalkanWeb
