Khamenei i quan protestat e fundit një përpjekje për grusht shteti

Protestat në Iran i ngjanin një përpjekjeje për grusht shteti, por u penguan.

Kjo është shkruar nga Udhëheqësi Suprem i Iranit, Sejjid Ali Khamenei, në llogarinë e tij në “X”.

“Qëllimi ishte shkatërrimi i qendrave të rëndësishme dhe me ndikim të pushtetit në vend. Ata sulmuan policinë, selinë e Trupave të Gardës Revolucionare Islamike (IRGC), disa institucione qeveritare dhe banka”, tha Khamenei.

Në një postim tjetër, udhëheqësi suprem iranian pranoi gjithashtu se protestat që filluan në tregje ishin të justifikuara: “Argumentet e tregtarëve ishin të sakta, por edhe rebelët u përpoqën të fshiheshin në protestat e tyre paqësore”.