Kroaci, plazhi i Dubrovnikut nën pushtetin e plehrave të Shqipërisë
Dubrovniku në Kroaci u mbush këtë javë me tonelata mbeturinash që solli një stuhi në Detin Adriatik, duke prekur plazhin Banje dhe qytetin e vjetër.
Në një shkrim të New York Times, thuhet se zyrtarët deklaruan se shumica e mbeturinave duket se vijnë nga Shqipëria, ndërsa të gjitha shërbimet e qytetit janë angazhuar në pastrim. Mbeturinat përfshijnë kryesisht plastikë, por edhe metale dhe mbetje mjekësore, ndërsa ekipet e riciklimit do të përpiqen të ripërdorin disa prej tyre.
Autoritetet kroate po bashkëpunojnë me Shqipërinë për menaxhimin e situatës, ndërsa monitorimi satelitor shihet si një zgjidhje afatgjatë për të parandaluar mbeturinat në det. Dubrovniku, qytet i njohur turistik, përballet vazhdimisht me këtë problem gjatë muajve të dimrit.
Kryetari i bashkisë së Dubrovnikut, Mato Frankovic, tha se të gjitha shërbimet e qytetit, përfshirë punonjësit e pastrimit dhe ata të portit, u përfshinë në operacionin e pastrimit. Ekipet e pastrimit filluan punën herët në mëngjes, tha për transmetuesin publik HRT Denis Raos, shefi i ekipit në qendrën historike të qytetit.
© BalkanWeb
Për t’u bërë pjesë e grupit “Balkanweb” mjafton të klikoni: Join Group dhe kërkesa do t’ju aprovohet menjëherë. Grupi Balkanweb
