Ronaldo i zemëruar me PIF, pikëpyetje mbi vazhdimësinë e tij në Arabinë Saudite

4 Shkurt 2026

12:13

Alfred Lleshi

Spekulimet e fundit kanë trazuar ambientin saudit, duke folur për mundësinë e një ndarjeje mes Cristiano Ronaldo dhe Al-Nassr. Burimi i pakënaqësisë lidhet me supozimin se PIF, fondi që kontrollon disa klube të kampionatit, po favorizon Al-Hilal ndaj klubeve të tjera.

Pas mungesës në ndeshjen e fundit zyrtare, disa kanë spekuluar për një kthim të yllit portugez në Madeira dhe largim të mundshëm nga Arabia Saudite. Sipas gazetës “Record”, këto spekulime nuk përputhen me realitetin. Ai nuk do të udhëtojë drejt Portugalisë, por pjesë e përgatitjeve për ndeshjen kundër Al-Ittihad.

Megjithatë, një fakt mbetet. Sulmuesi veteran nuk është i kënaqur me trajtimin e klubit të tij dhe po i ndjek me kujdes zhvillimet. E ardhmja e tij në “Saudi Pro League” nuk duket më e sigurt si disa javë më parë. Për momentin nuk ka largim të afërt, por tensioni vazhdon të nxisë pyetje rreth fatit të CR7 në Riyadh.