“Një shtet palestinez, zgjidhja “e vetme” me Izraelin”/ Papa Leoni XIV mesazh paqeje nga Libani: T’i jepet fund konflikteve në botë

Papa Leoni XIV ka dhënë një mesazh paqeje. Ai ka mbërritur në Liban, ku u prit nga Presidenti i Republikës Libaneze. Pritet që të qëndrojë në Liban deri më 2 dhjetor.

Papa fluturoi nga Turqia, ku ka qenë për vizitë prej katër ditësh dhe paralajmëroi se e ardhmja e njerëzimit ishte në rrezik për shkak të konflikteve të përgjakshme në botë. Gjithashtu ai dënoi dhunën dhe bëri thirrje për paqe.

Papa Leo XIV  tha  se e vetmja zgjidhje për konfliktin e gjatë midis Izraelit dhe popullit palestinez duhet të përfshijë një shtet palestinez, duke riafirmuar qëndrimin e Vatikanit .

“Ne të gjithë e dimë se në këtë moment Izraeli ende nuk e pranon këtë zgjidhje, por ne besojmë se është e vetmja zgjidhje”, tha ai.

Pak para mbërritjes në Bejrut, qytetarë të shumtë u mblodhën përgjatë rrugëve nga aeroportit në pallatin presidencial, duke valëvitur flamuj libanezë dhe të Vatikanit.

Libani, i cili ka pjesën më të madhe të të krishterëve në Lindjen e Mesme, dhe është tronditur nga përhapja e konfliktit në Gaza, ndërsa Izraeli dhe grupi militant shiit libanez mysliman Hezbollah hynë në luftë, duke kulmuar në një ofensivë shkatërruese.

© BalkanWeb

Për t’u bërë pjesë e grupit “Balkanweb” mjafton të klikoni: Join Group dhe kërkesa do t’ju aprovohet menjëherë. Grupi Balkanweb