Tyson Fury gati të ngjitet sërish në ring: Mbreti duhet të rikthehet në fronin e tij

9 Dhjetor 2025

9:19

Telesport

Boksieri britanik Tyson Fury ka lënë të kuptohet se tërheqja e tij nga boksi mund të përfundojë vitin e ardhshëm. Në një postim në rrjetet sociale, ai deklaroi se “mbreti duhet të kthehet në fronin e tij”.

Fury kishte këmbëngulur se karriera e tij në boks kishte mbaruar në janar, kur ai humbi revanshin ndaj Oleksandr Usyk një vit më parë. Por, 37-vjeçari ka paralajmëruar një rikthim, çka nuk është një surprizë.

“Ka një rrugë të gjatë dhe të vetmuar që vetëm unë mund ta përshkoj. Pas betejave të gjata dhe të vështira më pret pavdekësia!“, deklaroi Tyson Fury.

Edhe ekipi promovues i Fury në Mbretërinë e Bashkuar, Queensberry, ka postuar gjithashtu të njëjtin citat, me një imazh të Fury-t të ulur në një fron.

Tyson Fury është dy herë kampion bote në peshën e rëndë, fillimisht kur mposhti Wladimir Klitschko në vitin 2015 dhe më pas në vitin 2020, kur mundi në revansh Deontay Wilder.