Çështja e 21 janarit/ Ish-presidenti Bamir Topi: U pyeta për atë se çfarë di unë, hetimet…

TIRANË– Ish-Presidenti i Republikës, Bamir Topi është paraqitur këtë të martë në SPAK.

Pas daljes nga SPAK, Topi konfirmoi se është pyetur për çështjen e 21 janarit, ndërsa nuk preferoi të ndante detaje për media.

“Kisha një thirrje nga Prokuroria e Posaçme për cështjen e 21 janarit. Për të dëshmuar atë cka di unë, pasi kam qenë në atë kohë kryetar shteti. Unë kam folur për 21 janarin, në respekt të transparencës me publikun, por sot duhet të kuptoni që duke dalë nga ky institucion meqenëse është në proces hetimi, mjafton t’iu them vetëm kaq”, tha ai pasi doli nga SPAK.

Ai ka deklaruar më herët se ishte i gatshëm të dëshmonte për krimin shtetëror të 21 janarit, ku katër protestues u vranë para godinës së kryeministrisë./abcnews.al

Të ngjashme