Dy të dyshuar akuzohen për incidentin në aeroportin Heathrow
Dy persona janë akuzuar në lidhje me përdorimin e gazit lotsjellës në një parking në aeroportin Heathrow të Londrës, ku mbetën të plagosur 21 persona.
Tyrone Richards, 31 vjeç, dhe Anton Clark-Butcher, 24 vjeç, janë akuzuar për dy akuza për vjedhje të një valixheje dhe përdorim të një substance të dëmshme.
Sipas informacioneve të mëparshme, incidenti ndodhi rreth orës 8 të mëngjesit të dielën në parkingun e Terminalit 3. Incidenti u shkaktua nga një grindje midis dy grupeve të personave që njiheshin me njëri-tjetrin. Si pasojë e përdorimit të substancës, 21 persona, përfshirë një fëmijë të vogël, u plagosën dhe pesë u shtruan në spital.
© BalkanWeb
