DETAJE/ Me kapuç në kokë, dy persona i vendosin tritolin biznesit në Shkodër dhe largohen, kamerat kapin lëvizjet e autorëve

SHKODËR- Një shpërthim me tritol ka ndodhur në një biznes në Shkodër. Mësohet se ngjarja ka ndodhur në lagjen “Skënderbeg”.

Sipas informacioneve, tritoli është vendosur tek subjekti “Lufa Print”, subjekt i prodhimit të reklamave. Ky subjekt mësohet se është në pronësi të shtetasit Lulzim Mehmeti.

Mësohet se kanë qenë dy persona me motorr, të cilët kanë vendosur tritolin dhe largohen me shpejtësi.

Nga pamjet e siguruara nga policia duken dy të rinj në moshë të re. Autorët janë me kapuç në kokë dhe fytyrat e mbuluara për tu mos u identifikuar. Në vendngjarje është drejtori i policisë Shkodër Gent Berberi dhe pronari i subjektit Lulzim Mehmeti. “Lufa Print” operon prej shumë vitesh në Shkodër si një prej subjekteve më të vjetra në qytet.

© BalkanWeb