Diaspora, kuqezi përtej kufijve/ Krasniqi: Momentum i mirë! Interesi nga institucionet po shtohet

Bashkdrejtor ekzekutiv i organizatës “Germin” Lirim Krasniqi komentoi festimet përtej kufijve shqiptar me rastin e festave tona kombëtare.

Krasniqi tha për ‘News Room’ se mes instancave në Shqipëri dhe në Kosovë ka pasur komunikime të vazhdueshme të cilat kanë qenë të shtuara. Krasniqi shtoi më tej se është një momentum i mirë dhe se duhet që përpjekjet të kanalizohen në një linjë.

“Ne kemi pasur komunikime të vazhueshme me Shqipërinë dhe Kosovën dhe na janë përgjigjur. Ka qenë shpesh herë i kufizuar bashkëpunimi, por nuk tregon mungesë dëshire. Vitet e fundit ka pasur një angazhim më të shtuar. Ka pasur një gadishmëri më të lartë sa i takon bashkëpunimit. Në Shqipëri ka qenë e zëshme vota për Diasporën, ky është një nga momentet që tregon se aktorët politikë duhet të jenë pjesë e vendimarrjes.

Dhe në Kosovë ka programe nga më të ndryshme që janë mbështetur nga Ministria e Jashtme. Është një momenutum i mirë, duhet t’i kanalizojmë përpjekjet në një linjë. Shumica e atyre që jetojnë jashtë kanë dëshirën dhe aksesin në institucione dhe organizata. Interesi nga ana e institucioneve po shtohet.”  / abcnews.al /

Të ngjashme