Diaspora, urat lidhëse me Shqipërinë/ Hyka: Themelohet qendra kulturore shqiptare në Paris, baza e saj të rinj studentë…

Ambasadorja e Kombit Anila Hyka Smorgrav komentoi për ‘Neës Room’ festimet në Paris lidhur me festat kombëtare shqiptare. Hyka tha se është hapur qendra kulturore permanente në qendër të Parisit ku në datë 28 u bë inagurimi i saj. Qendra ka si themelues të rinj që japin kontribut atje. Hyka theksoi se angazhimi duhet të jetë transparent dhe përtej kufijve.

“Kemi më shumë se një vit që përpiqemi dhe kemi hapur qendrën kulturore permanente në qendër të Parisit. Qendra u quajt 28.11 dhe ne bëmë në të njëjtën ditë dhe inagurimin e qendrës. Patëm përfaqësues dhe nga mediat dhe nga komuniteti shqiptar. Në darkë qendra organizoi festën për shqiptarët. Festa mblodhi mbi 300 persona dhe ne vjet pamë që kishim më shumë kërkesa.

Krahas formaliteteve, patëm kënaqësinë të kishim fjalimin e ambasadorit të Shqipërisë dhe Kosovës. Ne kemi një plejadë shumë të mirë artistësh që janë pjesë e shfaqjeve tona. Festa vijoi më tej me vallëzime dhe këngë.

Bazat e themeluesve të qendrës sonë janë të rinjtë që studiojnë në Paris dhe janë të mirëpritur të gjithë. Në Mynih, Këln apo vendet e tjera të gjithë ata që kanë një kapacitet janë të gatshëm dhe emzi presin që të kenë disa lidhje të njohura si germini apo disa nisma të tjera, që t’I hapet rruga angazhimit të tyre.

Angazhimi ynë duhet të jetë transparent dhe përtej kufijve. Shumë shqiptarë janë ingranuar në programe të diplomacisë qytetare.” / abcnews.al /

Të ngjashme