Fury: Do të respektoj çdo vendim të Joshua pas asaj që i ndodhi, ky mund të jetë rivali im këtë vit

27 Janar 2026

12:19

Telesport

Boksieri britanik Tyson Fury, ka deklaruar së fundi se një duel me kampionin e botës në peshat e rënda (kategoria WBO), patriotin e tij Fabio Wardley, do të ishte një opsion i mirë për të ardhmen. Ndoshta në pjesën e dytë të 2026-ës.

Fury, ish-kampion bote në peshën e rëndë, po planifikon rikthimin e tij në aksion më shumë se një vit nga revanshi i humbur ndaj ndaj Oleksandr Usyk në dhjetor 2024. Britaniku, në fakt, synon të rikthehet në ring në prill të këtij viti.

Duket se rikthimi i Fury do të vijë kundër një kundërshtari të nivelit më të ulët përpara se të kërkojë sfida më të madhe. Ajo përballje e dytë pritej të vinte kundër Anthony Joshua, por e ardhmja e këtij të fundit është e paqartë pas aksidentit me makinë, në të cilin humbën jetën dy nga miqtë e tij të ngushtë.

Fury shkroi në rrjetet sociale: “Le të shohim se si do të dukem fillimisht në ndeshjen time të kthimit, pastaj më vonë në vitin 2026 mund të dueloj me Wardley. Do të ishte një mundësi e mirë për mua që të përpiqem të bëhem kampion 3 herë në peshën e rëndë”.

Edhe Wardley tha se do të ishte jashtëzakonisht i etur të përballej me Fury. Ai u bë fillimisht kampion i përkohshëm (kategoria WBO), duke marrë një fitore të madhe ndaj Joseph Parker në tetor. Më pas, u ngrit në statusin e kampionit të plotë kur Usyk hoqi dorë titulli i kësaj kategorie.

Një kundërshtar nuk është emëruar ende për mbrojtjen e parë të titullit të Wardley, por 31-vjeçari pritet gjithashtu të luftojë në prill. Fury, më pas përsëriti, respektin e tij për situatën e Joshua, pasi tashmë i bëri homazh rivalit të tij pas aksidentit fatal në Nigeri.

“E di sfidën që ju të gjithë dëshironi të shihni në ring, por në këtë kohë nuk do ta them emrin e tij nga respekti pasi ai është në zi. Nëse ai nuk do të vazhdojë në boks, do të doja një përballje me të. Ky do të ishte një spektakël masiv”, tha Fury.