Joana Sanz zbulon emrin e vajzës me Dani Alves; të gjithë vënë re të njëjtin detaj
7 Shkurt 2026
8:01
Alfred Lleshi
Pas një shtatzënie të mbajtur larg vëmendjes publike, në tetor Joana Sanz dhe Dani Alves njoftuan se ishin bërë prindër të vajzës së tyre të parë së bashku, e treta për ish-futbollistin brazilian, i cili ka edhe dy fëmijë nga martesa e mëparshme me Dinorah Santana.
Deri tani nuk dihej emri i zgjedhur për vajzën. Çifti kishte bërë të ditur vetëm se ishte vajzë dhe se emri fillonte me shkronjën J, duke nxitur spekulime se mund të quhej Joana. Këtë javë, modelja kanarie e zbuloi sekretin në Instagram: “Julieta Sanz Alves”. Postimi tregoi edhe një detaj që ra në sy, mbiemri i Joana është vendosur si mbiemri i parë i vajzës.
Sanz e shoqëroi postimin me një reflektim emocional: “Më kushtoi ta doja nga frika e humbjes…, dëshirova shpesh të kthehesha te vetja ime para teje”. Ajo shtoi: “Një ditë dëgjova të qeshurën tënde për herë të parë…, je këtu për të mos më lënë më kurrë vetëm”.
