Këngëtari ndërroi jetë pas një ataku kardiak, menaxheri: Humbje e madhe për të gjithë!

Menaxheri i këngëtarit të njohur shqiptar Shpat Kasapi ka reaguar pas ndarjes së papritur të artistit, i cili ndërroi jetë në moshën 40-vjeçare, dyshohet pas një arresti kardiak.

Në një njoftim të publikuar në rrjetin social zyrtar të Kasapit, menaxhmenti shkruan se humbja e tij është një goditje e rëndë dhe një dhimbje e madhe për të gjithë.

“Të nderuar miq, familjarë, media dhe publik i dashur i Shpatit, humbja e Shpatit është një dhimbje e madhe për të gjithë ne. Së shpejti do t’ju informojmë me detaje të plota rreth procedurave të varrimit. Me respekt, Menaxhmenti i Shpatit,” thuhet në mesazhin e publikuar.

Njoftimi vjen pak ditë pas lajmit tragjik, duke rikthyer vëmendjen e publikut dhe mediave mbi kontributin e artistit në muzikën shqiptare.

© BalkanWeb

Për t’u bërë pjesë e grupit “Balkanweb” mjafton të klikoni: Join Group dhe kërkesa do t’ju aprovohet menjëherë. Grupi Balkanweb