Khamenei: SHBA-të dështuan të kenë sukses në luftën 12-ditore
Pavarësisht përdorimit të armëve më të fundit dhe më moderne, SHBA-të nuk arritën të kishin sukses në luftën 12-ditore kundër Iranit.
Kjo u deklarua nga udhëheqësi suprem i Iranit, Ali Khamenei, në një fjalim televiziv.
Sipas tij, Irani ka krijuar një front të fortë rezistence kundër ndërhyrjeve të huaja dhe është e rëndësishme ta ruajmë atë: “Një vend si i yni ka nevojë për mobilizim më shumë se kushdo tjetër. Ka shumë armiqësi, lakmi dhe ndërhyrje nga autoritetet në botë dhe duhet të ketë një element rezistence kundër të gjitha këtyre shtypjeve dhe veprimeve ekstreme.”
Duke folur për zhvillimet e fundit brenda Iranit dhe në rajon, Khamenei tha: “Në luftën 12-ditore, populli iranian padyshim mundi si Amerikën ashtu edhe … Izraelin . Ata u kthyen pa arritur asgjë, që do të thotë se nuk arritën asnjë nga qëllimet e tyre. Po, pësuam humbje, humbëm jetë të çmuara, nuk ka dyshim për këtë, e tillë është natyra e luftës. Por dëmi material që iu shkaktua armikut ishte shumë më i madh se dëmi që iu shkaktua vendit tonë.”
© BalkanWeb
Për t’u bërë pjesë e grupit “Balkanweb” mjafton të klikoni: Join Group dhe kërkesa do t’ju aprovohet menjëherë. Grupi Balkanweb
