Komisioni i Disiplinës merr vendimet, pezullohet trajneri i Superiores

Komisioni i Disiplinës dhe Etikës pranë FSHF-së ka marrë vendimet sa i takon ngjarjeve të fundit sportive në të githa kategoritë e futbollit shqiptar.

Tekniku i Vorës, Arjan Bellaj, është pezulluar me dy takime pas përplasjes me Gudjufin nga Partizani. 4 javë pezullim për Kotobellin e Teutës.

Vendimet:

Zyrtari i KF Vora, Arjan Bellaj, për sjellje josportive ndaj lojtarëve të ekipit kundërshtar, në bazë të nenit 14/1/b të KDE, dënohet me 2 (dy) ndeshje pezullim nga veprimtaritë.

Lojtari i KF Teuta, Blerim Kotobelli, për sjellje josportive ndaj zyrtarëve të ndeshjes, në bazë të nenit 14/1/j të KDE, dënohet me 4 (katër) ndeshje pezullim nga veprimtaritë. Në aplikim të neneve 34/1 dhe 34/3 të KDE, vendoset pezullimi i pjesshëm i zbatimit të dënimit pas shlyerjes së gjysmës së tij. Periudha e pezullimit me kusht do të jetë 6 (gjashtë) muaj.

Pranimin e kërkesës së zyrtarit të KF Iliria U-17, Jomels Selmani, bazuar në nenet 67 dhe 74 të KDE, rishikimin e Vendimit Nr. 21, datë 13.01.2026 të KDE për pikën 9, duke mbyllur procedimin disiplinor ndaj tij.

© BalkanWeb