Motorët e Valentino Rossi dhe Marc Marquez në garazhin e trafikantit të dro*ës, i apasionuar pas MotoGP

31 Dhjetor 2025

9:57

Telesport

Autoritetet meksikane kanë sekuestruar një nga koleksionet më të mëdha private të motoçikletave të parë ndonjëherë. Janë gjendur jo më pak se 50 motoçikleta të garave të MotoGP dhe disiplinave të tjera.

Të përfshira në këtë sekuestrim edhe motorët e garave që i përkisnin Valentino Rossi dhe Marc Marquez, me vlerë afërsisht 34 milionë euro. Atro ishin në pronëzi të Ryan James Wedding.

Bëhet fjalë për një ish-snowboarder olimpik kanadez. Ai është një nga 10 të arratisurit më të kërkuar të FBI-së. Lajmi u konfirmua nga FBI nga zyra e saj në Los Anxhelos, ku shpjegoi se disa urdhër-bastisje u ekzekutuan në Meksikë këtë muaj.

Ato çuan në sekuestrimin e këtij koleksioni, në një operacion të koordinuar midis autoriteteve meksikane, FBI-së, Policisë Mbretërore Kanadeze dhe Departamentit të Policisë së Los Anxhelos.

Midis motoçikletave të gjetura ka xhevahire të vërteta, si disa motoçikleta Ducati MotoGP të pilotuara nga Valentino Rossi, Jorge Lorenzo, Andrea Dovizioso, Loris Capirossi dhe Andrea Iannone, si dhe motoçikleta e Marc Márquez.

FBI vuri në dukje se një shpërblim deri në 15 milionë dollarë mbetet në fuqi për çdo informacion që çon në arrestimin ose dënimin e Wedding, me një dosje të gjatë kriminale.