Një ndërtesë banimi shembet në Teheran, disa persona të bllokuar nën rrënoja
Një ndërtesë banimi trekatëshe u shemb në lagjen Yaftabad të Teheranit, kryeqytetit të Iranit.
Jalal Maleki, një përfaqësues i departamentit të zjarrfikësve të Teheranit, tha se katër persona janë nxjerrë të gjallë nga rrënojat dhe operacioni i kërkimit është duke vazhduar.
Shërbimet e emergjencës u thirrën në vendngjarje.
Kati i parë i ndërtesës strehonte hapësira zyrash dhe raportohet se punimet e ndërtimit janë duke u zhvilluar pranë ndërtesës së shembur.
Shkaqet e incidentit do të përcaktohen në bazë të rezultateve të hetimit.
© BalkanWeb
