Plani për paqen në Ukrainë, Reuters: SHBA kërkon të diskutojë me Rusinë “shumë shpejt”

Shtetet e Bashkuara presin të takohen me përfaqësuesit rusë “shumë shpejt” për të diskutuar planin e tyre për zgjidhjen e krizës ukrainase, shkroi Reuters duke cituar një burim të administratës amerikane.

Sipas raportit, administrata e Uashingtonit “ka ndërmend të zhvillojë takime me rusët shumë shpejt”.

Sipas planit të propozuar nga SHBA-të, i cili u zbulua në mediat perëndimore, Shtetet e Bashkuara dhe vendet e tjera do të duhet të njohin sovranitetin e Rusisë mbi Krimenë, Donbasin dhe territore të tjera që Ukraina do të duhet të heqë dorë. Në këmbim, Kievi do të marrë garanci sigurie amerikane dhe evropiane. Do të krijohet një zonë e demilitarizuar dhe trupat ukrainase do të tërhiqen nga zonat brenda saj.

Axios citoi një zyrtar amerikan të ketë thënë se vija e kontaktit midis kombeve në rajonet Kherson dhe Zaporozhye do të ngrijë dhe Rusia do të duhet t’i kthejë disa zona Ukrainës. Ushtria ukrainase do të reduktohet ndjeshëm dhe do të humbasë armë me rreze të gjatë veprimi. Vendosja e trupave të huaja do të ndalohet dhe rusishtja do të duhet të bëhet gjuhë zyrtare shtetërore. Bloomberg raportoi se plani i ri i SHBA-së parashikon gjithashtu heqjen e sanksioneve kundër Rusisë.

© BalkanWeb

Për t’u bërë pjesë e grupit “Balkanweb” mjafton të klikoni: Join Group dhe kërkesa do t’ju aprovohet menjëherë. Grupi Balkanweb