Po shkëlqen këtë sezon në PL, Man. United piketon që tani përforcimin e parë të madh të verës
7 Shkurt 2026
17:50
Telesport
Morgan Rogers është padyshim një nga lojtarët më të mirë të këtij sezoni në Premier League. 23-vjeçari po shkëlqen tek Aston Villa, ka shënuar 9 gola dhe ka dhënë 7 asiste në 35 ndeshje në të gjitha garat këtë sezon.
Forma e mirë e treguar nga mesfushori sulmues ka tërhequr vëmendjen e shumë klubeve të mëdha, mes tyre të Manchester United. “Djajtë e Kuq” e kanë vendour emrin e anglezit në lsitën e merkatos së verës dhe do të bëjnë të pamundurën për transferimin e tij.
Rogers vetëm pak kohë më parë rinovoi me Aston Villa-n deri në vitin 2031, duke e vendosur kështu në pozita komode klubin nga Birmingham. Mediet angleze bëjnë me dije se Rogers mund të largohet nga Aston Villa për shifrën 100 milionë euro. E sigurt është që 23-vjeçari do të jetë protagonist i merkatos së ardhshme dhe gara për transferimin e tij do të jetë shumë e fortë.
