Polici, në trafik droge/ Softa: Haxhiaj, funksionar i…

Ish Oficeri i Operacionales, Igli Haxhiaj, i cili u arrestua të enjten për llogari të SPAK, dyshohet se përveç shitjes së informacioneve policore tek banda kriminale e Visit të Pojës, dyshohet se ishte i përfshirë edhe në trafikimin e lëndëve narkotike.

Kjo rezulton nga bisedat që janë administruar nga SPAK, në aplikacionin SKY Ecc, ku Igli Haxhiaj, komunikon me mesazhe me persona të tjerë për kokainë.

Eksperti i sigurisë, Fatjon Softa tha në “Ora e Fundit” në ABC News, se hetimi do tregojë nëse ai është i përfshirë drejtpërdrejt në trafikun e drogës.

Softa shtoi se krimi ka krijuar infrastrukturë dhe brenda saj ka punonjës policie.

“Nuk kemi të bëjmë me një punonjës të zakonshëm, por një funksionar. Ky komunikim, duhet të jenë prova bindëse nga Struktura e Posaçme. Nëse e kemi të përfshirë në trafikimin e lëndëve narkotike, hetimi duhet të vijojë. Kjo e rëndon atë më shumë. Nuk mendoj se është rast i shkëputur, apo i izoluar. Ne kemi konstatuar, Struktura e Posaçme, çfarë janë në dosje, flasin për funksionarë të lartë. Krimi ka krijuar një infrastrukturë, një rrjet dhe jo rastësisht brenda saj janë edhe punonjës policie. Krimi është shumë i avancuar dhe nuk dimë se sa është i shtrirë.”, theksoi ai./abcnews.al

Të ngjashme