“Procedura vlen edhe për SPAK”/ Minxhozi: Ky super pushtet i drejtësisë së re në funksion të gjyqit popullor, nuk duhet ‘mbi-duartrokitur’

Analisti Skënder Minxhozi, në një intervistë në emisionin “Real Story” në ABC News tha se personi i hetuar duhet të ketë të drejta dhe t’i respektohen.

Minxhozi nënvizoi se është shumë e rëndësishme të respektohet procedura, kjo shtoi ai vlen edhe për SPAK.

“Në këtë rast kur ndodhemi përballë hetimesh dhe kanë një rezonancë publike të jashtëzakonshme…natyrisht duhet të kemi parasysh atë që duhet diskriminim pozitiv në fushën e të drejtave të standardit. Pra personi i hetuar të ketë të drejta që t’i respektohen. Duhet të respektohet procedura dhe shteti të vijë në procedurë. Në këtë pikë ku ndodhemi , para se të hyjmë në Evropë si shtet, ne duhet të hyjmë në procedurë. Kjo vlen për pushtetin qendror dhe pushtetin vendor, dhe me hyrjen në procedurë, nënkuptoj respektimin e të gjitha ligjeve, si edhe të kreut të shtetit, të institucioneve të tjera të pavarura… Ky super pushtet i drejtësisë së re sot në funksion të gjyqit popullor është diçka që duhet duartrokitur, por jo mbi-duartrokitur kur nuk është zhvilluar ende hallka e fundit. Pra nëse duam të hyjnë në Evropë duhet të jemi Evropë, para se të hyjmë në BE duhet të hyjmë pak në procedurë”, tha Minxhozi.

/abcnews.al/

Të ngjashme