Propozimet e reja për paqen në Ukrainë, Kremlini: Diskutimet zhvillohen javën e ardhshme

Rusia ka marrë atë që SHBA-ja dhe Kievi e kanë quajtur një “kornizë të përditësuar dhe të përsosur të paqes” për t’i dhënë fund luftës në Ukrainë, dhe do ta diskutojë javën e ardhshme, konfirmoi të premten Kremlini.

Presidenti rus Vladimir Putin tha të enjten se draft-propozimet e paqes të diskutuara nga SHBA dhe Ukraina në Gjenevë mund të shërbejnë si bazë për marrëveshje të ardhshme për t’i dhënë fund konfliktit, por nëse kjo nuk ndodh, Rusia do të vazhdojë luftën.

“Po, këto detaje na janë përcjellë dhe do të diskutohen në Moskë javën e ardhshme,” u tha gazetarëve zëdhënësi i Kremlinit, Dmitry Peskov.

Steve Witkoff, i dërguar i posaçëm i Presidentit amerikan Donald Trump, pritet të zhvillojë bisedime në Moskë javën e ardhshme me Putinin rreth këtyre ideve.
I pyetur se kur saktësisht do të zhvillohen bisedimet, Peskov tha se Kremlini do të njoftojë gazetarët në kohën e duhur.

© BalkanWeb

Për t’u bërë pjesë e grupit “Balkanweb” mjafton të klikoni: Join Group dhe kërkesa do t’ju aprovohet menjëherë. Grupi Balkanweb