Red Bull zbulon makinën e sezonit të ri, Verstappen: I befasuar dhe emocionuar nga ndryshimet e kjo pamje
16 Janar 2026
8:56
Telesport
Skuadra Oracle Red Bull Racing zbuloi makinën e saj RB22 me të cilën do të garojë këtë vit në Formula 1, të parën që fuqizohet nga një njësi fuqie e markës Ford. Ngjyra e saj është frymëzuar nga vitet e para të ekipit në Formula 1, duke shfaqur një bojë me shkëlqim, një logo të Red Bull me kontur të bardhë dhe një nuancë të re të kaltër.
Max Verstappen, i pranishëm në eventin që u organizua, tha: “Më pëlqen shumë ngjyra e re, është vërtet e mirë dhe mendoj se do të dallohet në pistë këtë vit. Ngjyra me shkëlqim është e bukur, ka një pamje më retro, ngjyra është vërtet e guximshme, më pëlqen shumë”.
“Isha vërtet i impresionuar dhe i befasuar nga sa shumë ndryshim ishte. E gjithë pamja më sjell shumë kujtime të mrekullueshme nga koha kur sapo fillova në Formula 1 dhe gjithçka ishte kaq e re. Jam i emocionuar që do të ngas një makinë me një pamje krejtësisht të ndryshme”, shtoi Verstappen.
“Natyrisht, është ende pak e panjohur. Ndryshimet janë të mëdha, si në aspektin e njësisë së fuqisë ashtu edhe të vetë makinës. Për ne pilotët, do të duhet kohë për t’u përshtatur. Kjo është arsyeja pse do të jetë shumë e rëndësishme të bëjmë shumë testime. Motivimi është shumë i lartë”, deklaroi piloti holandez.
