Rëndohet situata e 8 familjeve që rrezikojnë përmbytjen në fshatin Bruç në Mat, pritet ndërhyrja e ushtrisë

Reshjet e pandërprera dhe prurjet e mëdha të zallit të Urakës kanë rënduar situatën e rrezikut të përmbytjes së 8 familjeve në fshatin Bruç të Matit.

Prej dy ditësh këta familje kërcënohen nga niveli i lartë i ujit i cili aktualisht ka dëmtuar një pjesë të argjinaturës dhe rrugës që i lidh ata me pjesën tjetër të fshatit.

Për shkak të rrezikut të lartë Bashkia e Matit ka kërkuar mbështetjen e ushtrisë e cila pritet të mbërrijë nga momenti në moment pranë familjeve që rrezikohen.

Reshjet e shiut vijojnë, e bashkë me to shtohen edhe prurjet e lumenjve.

Situatë problematike mbetet edhe me rrugët rurale ku shumë prej tyre kalohen vetëm me mjete tylë larta.

Po ashtu, ka dëmtime edhe në veprat e marrjes së ujësjellësave të fshatrave.

© BalkanWeb

Për t’u bërë pjesë e grupit “Balkanweb” mjafton të klikoni: Join Group dhe kërkesa do t’ju aprovohet menjëherë. Grupi Balkanweb