Restoranti i Guardiolës njofton mbylljen e papritur pas 7 vitesh në Manchester

18 Dhjetor 2025

11:20

Alfred Lleshi

Pep Guardiola ka vendosur ta mbyllë restorantin e tij në Manchester, “Tast, cuina catalana”, ku në kuzhinë ishte shefi me yll Michelin, Paco Pérez. Lokali ishte hapur prej 7 vitesh dhe kishte pritur shumë futbollistë të Manchester City, të cilëve trajneri katalanas iu ofronte kuzhinë tipike katalanase.

Në një njoftim të publikuar në rrjetet sociale, stafi bëri të ditur se ka marrë vendimin e vështirë për t’i mbyllur dyert për herë të fundit pasnesër, më 20 dhjetor. Arsyeja e mbylljes lidhet me rritjen e taksave dhe “kushtet tregtare jashtëzakonisht të vështira”, pak kohë pas masave të forta të ndërmarra nga kancelarja britanike, Rachel Reeves. Në sqarim thuhet: “Si shumë të tjerë në sektorin e hotelerisë, jemi përballur me kushte tregtare jashtëzakonisht të vështira dhe me rritje të kostove”.

Reeves është kritikuar sepse këto politika po detyrojnë restorante dhe bare të mbyllen. Ekziston frika se pas lokalit të Guardiolës mund të mbyllen qindra të tjerë në qytet. Restoranti, i vendosur në “King Street”, ishte hapur në verën e vitit 2018.