Sulmi i cisternës së naftës në Detin e Zi, reagon Kievi: Flotë hijen ruse e goditëm ne!

Ukraina mori ditën e sotme sulmin ndaj dy cisternave të naftës në Detin e Zi, duke deklaruar se i goditi ato me dronë detarë që synonin anije të “flotës hije” ruse, të përdorura nga Moska për të shmangur sanksionet perëndimore.

Një burim nga shërbimet e sigurisë ukrainase (SBU) tha për Agjencinë Franceze të Lajmeve se cisternat Kairos dhe Virat u goditën nga dronët “Sea Baby” gjatë një operacioni të përbashkët të SBU-së dhe Marinës Ukrainase.

Sipas këtij burimi, anijet ishin bosh në momentin e goditjes dhe “po shkonin drejt portit rus të Novorossijskut” për t’u rimbushur me hidrokarbure.

“Pamjet video tregojnë se, pasi u goditën, të dy cisternat pësuan dëme të rënda dhe praktikisht dolën jashtë funksionit. Kjo përbën një goditje të madhe ndaj transportit të naftës ruse,” tha një zyrtar i SBU-së, i cili foli në kushte anonimati dhe u citua nga agjencia Reuters. Ai nuk specifikoi se kur u krye saktësisht sulmi.

💥🚢 Sea Baby naval drones strike two sanctioned Russian “shadow fleet” tankers in the Black Sea.

Sea Baby naval drones operated by Ukraine’s Security Service (SSU) have struck two sanctioned tankers of Russia’s shadow fleet — KAIRO and VIRAT — in the Black Sea.

At the moment… https://t.co/06rWD5oQLS pic.twitter.com/fhfYOLtDTj

— Special Kherson Cat 🐈🇺🇦 (@bayraktar_1love) November 29, 2025

© BalkanWeb

Për t’u bërë pjesë e grupit “Balkanweb” mjafton të klikoni: Join Group dhe kërkesa do t’ju aprovohet menjëherë. Grupi Balkanweb