Tare tregon sekretin e Modric: E përgatit ndeshjen me detaje, ndikimi i tij është i madh

Pavarësisht se është 40-vjeçar, Luka Modric vijon të luajë me minuta të plota me Milanin. Për mesfushorin kroat foli drejtori sportiv i kuqezinjve, Igli Tare, pas suksesit ndaj Lazios.

“Ndikimi i tij është i mahnitshëm. Ai është zbulim shumë i bukur, por duke e njohur nga afër, si njeri dhe profesionist, kjo nuk është befasi. Gëzohet si fëmijë dhe secilën ndeshje e përgatitë në detaje.

Shpresoj që do të mund ende të luajë me ne. E ka opsionin edhe për një vit tjetër, por jemi pajtuar që në qetësi do të merremi vesh për rrugën e tij.

E kemi analizuar detajisht edicionin e kaluar dhe kemi kuptuar që na duhet një lojtar me personalitet, i cili menjëherë do të ketë ndikim të madh në ekip. Ndikimi i Modriqit u dëshmua të jetë shumë i madh”, ka thënë Tare për “Gazzetta dello Sport”.

© BalkanWeb

Për t’u bërë pjesë e grupit “Balkanweb” mjafton të klikoni: Join Group dhe kërkesa do t’ju aprovohet menjëherë. Grupi Balkanweb