Të paktën 13 të vdekur pas sulmit izraelit pranë Sidonit, Liban

Të paktën 13 persona u vranë dhe disa të tjerë u plagosën në një sulm izraelit pranë Sidonit, njoftoi sonte Ministria e Shëndetësisë libaneze . Anëtarët e Hamasit u vunë në shënjestër. Ushtria izraelite (IDF) konfirmoi sulmin pranë Sidonit, duke specifikuar se shënjestra e sulmit ishin anëtarët e Hamasit që vepronin në kampin e refugjatëve

Nata Balkanweb 4 days ago

te-pakten-13-te-vdekur-pas-sulmit-izraelit-prane-sidonit,-liban

Të paktën 13 persona u vranë dhe disa të tjerë u plagosën në një sulm izraelit pranë Sidonit, njoftoi sonte Ministria e Shëndetësisë libaneze .

Anëtarët e Hamasit u vunë në shënjestër.

Ushtria izraelite (IDF) konfirmoi sulmin pranë Sidonit, duke specifikuar se shënjestra e sulmit ishin anëtarët e Hamasit që vepronin në kampin e refugjatëve palestinezë Ain al-Hiluweh. Sipas ushtrisë izraelite, u godit objekti, të cilin luftëtarët e Hamasit po e përdornin si qendër stërvitjeje, “me qëllim planifikimin dhe nisjen e sulmeve terroriste kundër IDF-së dhe Shtetit të Izraelit”.

Ushtria izraelite kishte njoftuar në verë se kishte vrarë dy komandantë të Hamasit në Liban: një në Sidon në maj dhe një në Tripoli në korrik.

Sulme të rregullta në Liban

Pavarësisht një marrëveshjeje armëpushimi që i dha fund më shumë se një viti armiqësish, përfshirë dy muaj luftë të hapur midis Izraelit dhe Hezbollahut, më 27 nëntor 2024, forcat e armatosura izraelite vazhdojnë të nisin sulme të rregullta në Liban.

Izraeli pretendon se sulmet e tij drejtohen kryesisht kundër Hezbollahut, duke akuzuar autoritetet libaneze se nuk kanë bërë mjaftueshëm për të çarmatosur lëvizjen shiite.