Telashet e para për Bayern, trajneri Kompany humbet një nga lojtarët më të mirë pas dëmtimit
16 Janar 2026
8:37
Telesport
Nuk janë të gjitha lajme të mira aty që vijnë për Bayern Munich. Bavarezët do të jenë pa Konrad Laimer për një kohë të gjatë.
Siç është konfirmuar nga klubi gjerman, mbrojtësi austriak pësoi një këputje muskulore në pulpën e majtë gjatë fitores 3-1 të mërkurën në mbrëmje kundër Këln në Bundesligë.
Diagnoza u konfirmua nga një ekzaminim i kryer nga ekipi mjekësor i Bayern. Laimer është një lojtar shumë i gjithanshëm, i cili deri më tani ka luajtur si mbrojtës i djathtë, mbrojtës i majtë dhe mesfushor.
Austriaku ka bërë 26 paraqitje (22 si titullar) në gjysmën e parë të sezonit në të gjithë kompeticionet, duke shënuar dy gola dhe duke dhënë tetë asist.
Një mungesë e rëndësishme për trajnerin Kompany, që humbet një nga lojtarët titullarë dhe më të mirë të këtij sezoni të shkëlqyer për bavarezët deri më tani.
