Trishtuese! Luftuan me terroristin në Sydney, por u vranë duke u përqafuar me njëri-tjetrin, çifti në janar festonte 35 vite martesë (VIDEO)
Historitë nga sulmi terrorist në plazhin Bondi, që la të paktën 15 persona të vdekur, vijojnë të tronditin opinionin publik. Në qendër të vëmendjes gjatë orëve të fundit është historia e një çifti që u përpoq të ndalonte sulmuesen dhe humbi jetën në mënyrë tragjike. Sipas pamjeve video që qarkullojnë, 69-vjeçari Boris Gurman, hebre me origjinë ruse, tentoi të çarmatoste 50-vjeçaren Shaheen Akram, e cila kishte zbritur nga makina me një flamur të ISIS të vendosur në xhamin e përparmë. Gurman arriti ta shtyjë dhe t’i marrë armën, por përpjekja e tij dështoi. Akram hapi zjarr, duke vrarë Borisin dhe bashkëshorten e tij 61-vjeçare, Sofia. Çifti u gjet i pajetë, të përqafuar, në trotuar.
Fillimisht, Boris dhe Sofia Gurman ishin raportuar të zhdukur pas sulmit të së dielës, ndërsa policia australiane kishte bërë thirrje për informacion mbi fatin e tyre. Mediat lokale raportojnë se çifti jetonte prej vitesh në zonën e Bondit dhe kishin një djalë rreth të 30-ave. Sipas burimeve familjare, ata po përgatiteshin të festonin 35-vjetorin e martesës në muajin janar.
Në një deklaratë, familja Gurman i përshkroi Boris dhe Sofinë si njerëz të përkushtuar ndaj komunitetit dhe familjes së tyre. “Ata kishin ndërtuar një jetë që e donin në Bondi. Ishin njerëz të sjellshëm, të fortë dhe bujarë. Mungesa e tyre lë një boshllëk që nuk mund të mbushet”, thuhet në reagim.
Të afërmit theksuan gjithashtu se akti i tyre i vetëmohimit pasqyronte plotësisht karakterin e tyre. “Ata ishin njerëz që instinktivisht zgjidhnin të ndihmonin, edhe kur përballeshin me rrezikun më të madh. Edhe pse asgjë nuk mund ta lehtësojë dhimbjen e humbjes, jemi jashtëzakonisht krenarë për guximin dhe humanitetin e tyre.”.
New footage shows couple tackle and briefly disarm Bondi Beach terrorist before being killed
Video shows a couple disarming one of the terrorists with their bare hands before being shot dead; Israel warns of copycat attacks as year end celebrations approach in Europe
***
Newly… pic.twitter.com/KFqSlqYA1y— Ynet Global (@ynetnews) December 16, 2025
© BalkanWeb
