Trump pranon se kam pasur kontakt me Iranin: U thashë atyre jo armë bërthamore, mos vrisni protestues

Donald Trump tha të enjten se kishte zhvilluar bisedime me Iranin ditët e fundit, të cilave u përcolli dy mesazhe .

Presidenti amerikan nuk tha nëse kontaktet ishin të drejtpërdrejta apo të tërthorta dhe në çfarë niveli, ndërsa nuk përjashtoi veprimet ushtarake kundër Teheranit.

I pyetur nga gazetarët të enjten vonë nëse kishte zhvilluar bisedime me Iranin ditët e fundit apo nëse planifikonte ta bënte këtë, Donald Trump u përgjigj se kishte zhvilluar bisedime dhe se po planifikonte ta bënte këtë.

Ai tha gjithashtu se kemi “shumë anije, shumë të mëdha dhe të fuqishme që lundrojnë drejt Iranit tani , do të ishte shumë mirë nëse nuk do të na duhej t’i përdornim ”.

Kur gazetarët e pyetën përsëri për mesazhin që i dërgoi Teheranit, ai u përgjigj se kishte dy: “Së pari, pa armë bërthamore, së dyti, ndaloni së vrari protestuesit”. Ai madje shpjegoi se gjatë trazirave të fundit kundër regjimit, iranianët po vrisnin protestues “me mijëra”.

“E dini, unë ndalova 837 varje dy javë më parë ”, tha ai, duke përsëritur një pretendim që kishte bërë më parë.

“Ata duhet të bëjnë diçka”, përfundoi ai, dhe komentoi se “askush nuk ka parë diçka të tillë” duke iu referuar fushëveprimit të trazirave.

© BalkanWeb