Usain Bolt gati të rikthehet në Olimpiadën e Los Anxhelosit, por në një disiplinë tjetër sportive

23 Janar 2026

11:29

Telesport

A do të kthehet Usain Bolt për të garuar në Lojërat Olimpike “Los Angeles 2028”? Mund të ndodhë, por jo në atletikë. Në një intervistë të kohëve të fundit, njeriu më i shpejtë në botë la të kuptohej se ekziston mundësia për ta parë të garojë përsëri, këtë herë në fushë dhe jo në pistë.

Një tifoz i madh i kriketit, sport që do të kthehet në Lojërat Olimpike në vitin 2028, Bolt nuk e ka përjashtuar mundësinë e garimit për Xhamajkën: “Jam i lumtur që jam pensionuar nga sporti profesional. Nuk kam luajtur kriket për një kohë të gjatë, por nëse më thërrasin, do të jem gati“, tha Bolt.

Në vitin 2026, Bolt do të mbushë 40 vjeç dhe ja si e parashikon të ardhmen e tij: “Shpresoj që faza tjetër e jetës sime të vazhdojë në këtë rrugë. Jam i zënë me familjen, miqtë, punën dhe duke dhënë diçka mbrapsht. Më pëlqen të shoh fëmijët e mi të rriten dhe shpresoj të mbetem i shëndetshëm dhe i lumtur për shumë vite që do të vijnë“.

Lidhur me rolin e tij aktual, Bolt shpjegon: “Aktualisht jam Drejtor i Performancës në Puma. Menaxhoj aspekte të ndryshme të biznesit në sporte të ndryshme. Mbrëmë mora pjesë në një ndeshje futbolli në Riad, sot vrapova në një garë vrapimi në Doha dhe nesër do të hap një dyqan Puma dhe do të vizitoj një shkollë.”