VIDEO/ Tetovë, i jepet lamtumira e fundit këngëtarit Shpat Kasapi, bashkëshortja dhe e motra prekin me fjalët e ndjera: Ti linde me yll në ballë! Do ta mbaj amanetin për Roelin
Familjarë, miq dhe bashkëpunëtorë i dhanë sot lamtumirën e fundit këngëtarit Shpat Kasapi dhe bënë homazhe në nderim të tij, në Pallatin e Kulturës në Tetovë.
Motra e tij Jehona, e prekur thellë nga dhimbja, nuk mundi t’i mbante lotët.
Ajo tha se Shpati lindi me yll në ballë, e i donte shumë fëmijët e pleqtë.
Ajo theksoi se amanetin e tij për djalin, Roelin do ta kryejë.
“Sot me zemër të thyer jemi mbledhur për t’i dhënë lamtumirën e fundit vëllait tim, është shumë e vështirë për të përshkruar fjalët për të përshkruar dhimbjet që ndjej. Shpat, shpirti i motrës, ti linde me yll në ballë, ishe një njeri i mirë, dije t’i ndjeje hallet nga empatia jote e madhe. Shpati ti i doje shumë fëmijët dhe pleqtë. Doje shumë të qeshësh, buzëqeshja ishte sinonim i yti”, tha Jehona.
Në një video shihet edhe bashkëshortja e të ndjerit, Selvija, e cila me lotë në sy i jep lamtumirën e fundit, babait të djalit të saj, shkruan IndeksOnline.
Shpat Kasapi vdiq më 26 nëntor në moshën 40-vjeçare pas një sulmi në zemër.
Ai do të varroset sot në orën 14:00 në varrezat e qytetit në Tetovë.
© BalkanWeb
Për t’u bërë pjesë e grupit “Balkanweb” mjafton të klikoni: Join Group dhe kërkesa do t’ju aprovohet menjëherë. Grupi Balkanweb
