Vlora pa ujë, protestuesit vezë dhe letra higjenike drejt Bashkisë
Protestuesit në Vlorë kanë hedhur vezë dhe letra higjenike drejt Bashkisë, ndërsa kërkojnë furnizim me ujë të pijshëm, që është ndërprerë prej pesë ditësh.
Pasi tentua të hynin në godinën e Bashkisë por nuk arritën, banorët me shishe në duar janë drejtuar nga rruga kryesore, të cilët kanë paralajmëruar se do ta bllokojnë.
Protestuesit kanë shprehur revoltën e tyre ndaj mungesës së ujit, duke kërkuar një takim me kryetaren e Bashkisë, Brunilda Mersini, ndërsa kanë deklaruar se mungesa e ujit po u vështirëson jetën e përditshme. Ata u ulën këmbëkryq në rrugë në formë proteste duke u shprehur: Na kthyen në Mesjetë! U bëmë si në epokën e gurit!
© BalkanWeb
